Experiencias escolares galegas inspiradoras para a agroecoloxía escolar

O vindeiro martes 5 de maio, de 18h a 19:30h, celebrarase o próximo webinario do ciclo de intercambio de experiencias, coñecementos e saberes en Agreocoloxía Escolar que estamos a desenvolver ao longo desta primavera. Se ben a actividade está orientada ao profesorado dos centros educativos da nosa rede, abrimos a participación a outras persoas interesadas na temática.

A actividade dase no marco da colaboración que está a desenvolver o noso compañeiro Kylyan Marc Bisquert i Pérez con @manosunidas no desenvolvemento do proxecto "Fame Cero: ecocidadanía global e agroecoloxía escolar na rede de centros educativos rurais polo dereito humano á alimentación e o ODS 2 (ENREDA) – FASE 1" (@famecero_manosunidas)

Nesta ocasión, baixo o título "Experiencias escolares galegas inspiradoras para a agroecoloxía escolar", contaremos coa participación de Beatriz Ferreira Varela (Directora da Escola Infantil Municipal A Caracola, na Coruña) e José Luís do Pico Orjais (Director do Centro de Educación Primaria Xosé Mª Brea Segade, en Rianxo).

Para acompañarnos nesta actividade en liña (Microsoft Teams), así como recibir información sobre os próximo webinario, podes inscribirte mediante o formulario dispoñible na bio e nas historias